٩٩٪ من الناس عايشين بمخهم كل الوقت، مو بالحياة. وهاد السبب إنه ناس كتير مانهن مبسوطين بحياتهن.
منفكّر حالنا عايشين، بس بأغلب الوقت نحنا ما عم نعيش الحياة أبداً. عم نتهرّب منها، جوّا راسنا.
وين منتخبّى من الحياة
المسألة مو بس أفكار. منتخبّى بتلات أماكن:
- الأفكار. منعيد اللي صار مبارح، منحضّر للي ممكن يصير بكرا، ومنحكي مع ناس مانهن موجودين أصلاً.
- الأنماط اللاواعية. منتصرّف بنفس الطريقة مرة ورا مرة بدون ما ننتبه. الحياة بتصير، والبرمجة القديمة بترد عنّا.
- التوقعات. كيف لازم تكون الأمور، كيف لازم يعاملونا الناس، وكيف لازم يمشي اليوم. ومنكون مشغولين كتير بمقارنة الحياة بالصورة اللي براسنا، لدرجة إنه ما منعيشها متل ما هي.
وهيك بتصير الحياة بالنسبة إلنا مجرد فكرة، مانها تجربة مباشرة. جسمنا موجود فيها، بس نحنا مو هون.
طعم الحياة الحقيقي
باللحظة اللي بتنتبه فيها لهالشي، وبتبلّش تعيش الحياة بشكل مباشر بدون ما تفكّر وتحسب كل الوقت، بتدوق طعم الحياة الحقيقي. وقبل هالشي بتكون عايش بالأوهام، ومفكّر حالك عايش.
وباللحظة اللي بتطلع فيها من سجن عقلك، ولو لشوي، الحياة بتنفتح لإلك مرة تانية، وبتحس حالك خلقت من جديد.
بدها همّة
إذا بدك ترجع تحس إنك عايش، بصراحة بدها همّة. بلّش بشغلتين:
- اعرف وين عم تقضي وقتك. قديش من نهارك كنت فعلاً هون، وقديش كنت بمكان تاني براسك؟
- انتبه إيمتى عم تفكّر وإيمتى ما عم تفكّر. مو مطلوب تحارب أفكارك. بس امسك اللحظة اللي سرحت فيها، وارجع.
إذا حاسس بدك دعم
إذا الهمّة مانها موجودة هلّق، أو المحيط اللي حواليك ما عم يساعدك، مو لازم تعملها لحالك. خليك متابع لعكاظ، لأني عم شارك هالأمور كلها هون.
وبتطبيق عكاظ في كتير محتوى بهالخصوص، وتمارين حتفيدك. ونزّلت مؤخراً تمرين حصري هو التنفس المتقطع. تمرين كتير بسيط، ما بيطلب منك أي مجهود أو معرفة مسبقة. بتتفرّج على حوالي خمس فيديوهات قصيرة، وبعدها بتبلّش فوراً. اشترك بالتطبيق وجرّبه بنفسك.
بتمنى يساعدك ولو شوي تطلع من قوقعة الأفكار، ولو لكم دقيقة باليوم. جرّبه، ما رح تخسر شي، وأسوأ الاحتمالات رح تستفيد من تجربتك.